الحلم اللي قعد عليه القرد
we want to go, a stupid thinks that he can control our going there. | |
تركيا حكمت مصر
والمصريين إتجوزوا تراكوا
و الحدق يفهم
خليه يدبدب ويرزع كده
خليه .....العبيط أهوه أهوه
القرد اللي بيرأسنا،غبى .متخيل إنه بيدير فنانين و إنه عميد جالية الفنانين في المؤسسة الفاسدة اللي إحنا بنشتغل فيهاو إنه أجدر بنيآدم بيعرف يتعامل مع أكلكع مخ و إنه السايس المسوس من الآلهة لتسييس أمور الحياه.الله يخرب بيته و يوديه في خسرميت داهية.بعد مايكون....ولا بلاش.
صحيح، و كل ذي عاهة جبار.
الراجل دا يملك مقدرة هايلة جدا في إنه يفتكس مليون طريقة وطريقة عشان الناس تكرهه كل يوم بسبب غير السبب بتاع اليوم اللى قبله.الله يخرب بيته ويفضحه.
قررنا إننا نطلع عليه إسم عشان نتكلم بيه عليه أمام أعوانه عشان برده أكل العيش مر و
ولاد الكلب ماخلوش لولاد الحرام حاجة
فوصلنا لشخصية "اللوا عرعر"، بتاع فيلم الإرهاب و الكباب.مفتري وفاشل و مفضوح،الله يخرب بيتهم هما الإتنين.و كان قبل الإسم دا في أسامي كتييييير أوي بس (القرد) لايق عشان سكرتيرته معلقاله صور كتيييير ولعب من نفس الصنف،قرود على نسانيس.
فإنهاردة بالذااااااات أنا شايفاه قرد سعدون مملوء بالهطل اللى سببه الجهل و العند والسلطةو ضيق الأفق ،فعلا يدي الحلق للي بلا ودان و يدي الأهتم فص لبان
أما تكون بتشتغل بطاقة كبيرة جدا زي الدينامو وتكون كارت ربحان في مكان شغلك و ريسك يطلع عينك عشان يشوف أخرك إيه ويقرف فيك وينسيك نفسك وأحلامك ويخليك مشغول بإنك تفهم:هو بيعمل كدة ليه؟هو في حاجة ولا إيه؟و تفضل تلف حوالين نفسك!والأكادة يقولك إنه بيعمل كدة عشان كدةو يبصلك بإبتسامة بلهااااء إن دلت فإنها تدل على سادية متعددة الأعراق بدءاً من هولاكو وحتى شارون مرورا بهتلر و إيهود باراك وكفار قريش .وإنت لازم تبقى إيه أسد و لا تشتكي و لا تقول أمان يا لالالي ولا حاجة.وهو في الأصل حمااااااار والله حمار مابيفهمش في أي حاجة.آآآآآآآآآآآآآآي حاجة"تور الله في البرسيم بتاع الهووا".دا غير أباحته وطولة لسانه ووقاحته في إستعمال الشتايم الغير مصرح بها رقابياولا حتى بنيأدميا أمام البنات و الكلام في الموضوعات الشخصية الحساسة أوى..
دا غير إنه بيحاول يتسمسم علي البنات الصغيرة و ما أدراك بسمسمة القرود بأه أوووووف يا دللي يا دللي شو هالحلاوة شو هالدلال شو هالريحة إللى طالعة من بؤاتك لمتر أودام! يخرب بيت عقلك عطر عطر عطر من عطور قبايل البوشمن و الهتنتووت "إسمله ع المقام".
الله يقرفه.على كلٍ منه لله.هبقى أكمل بعدين أنا بس حبيت أفضفض عشان هو عكنني ع الصبح إنهاردة
و السلام ختام
و الحدق يفهم
ولكن الله سلم
وسلم علالالالالالالاي
سااااافرووووت
posted by Dahlia Refaat at 10:31 AM
2 Comments:
yzhr keda en el ard ele 3andek aerfko awe, wallahy kan be wede ala2e 7al bas le moshkila en el erod dol maogoden fe kol makan we t2reban kol makan we leh el ard beta3o t2reban el erd b2aha shabh el makateb wel karasy wel wara2 goz2 la yatgaza2, famalnash 7al gher en e7na ne2o yaraaaaaaaaaaaaaab.
we belnesbal lel 7elm ya sete matzl3esh madam el 7elm a3ad 3aleh el erd ya3ne 7ayb2a 7elm a7mar wardy keda we gamil we yemken yet7a2a2 wel 7ede2 yefham ;).
we shokraaaaaan
mostashfa al gala2 lelwelada
عندك حق هو فعلا قرد مع الاعتذار للقرودعلى الاقل القرد لذيذ ولية لازمة ويضحكنا بس بجد انا عندي سؤال هو لية من حق اي حد انه يحببط الناس اللي تحتية ويقرفهم لية عشان ربنا يعني إداه القدرة يقوم يطلع عينهم ؟مش من حقة ولا في عرف في الدنيا يخلية يخنق الناس هما مش بيشتغلوه عندة هما بيشتغلوا معاه عشان الاثنين يطلعوا شغلانما نقول اية بقى للسيد قردعمتا هو مجرد ترس كبير في ساعة والناس اللي بتشتغل معاه تروس صغيرة والمكنة هتتعطل لو اي ترس منهم وقف بس المشكلة ان الترس الكبير بياخد وقت اكبرفي تغيرة م الترس الصغير عمتا صديقتي اصبر على جارك السو يا يرحل لتيجة بلوة تشيلة ينمشي وينسبهلوه معمرة يتنطط فيها زي ما هو عايز
Post a Comment
<< Home